Aukar semesteravgifta
Frå neste haust vil landets rikaste studentsamskipnad krevje meir pengar av trondheimsstudentane.
SiT Velferd har raude tal i budsjettet. Velferdstinget (VT) sender rekninga til studentane.
Dermed aukar semesteravgifta til SiT, ei avgift alle studentar ved NTNU, HiST og DMMH må betale for å få gå opp til eksamen, frå hausten 2006.
Leiinga i VT ønskte ikkje å heve semesteravgifta, men VT valte, etter press frå konsernstyret i SiT, å trasse si eiga leiing og auke avgifta med 40 kroner til 420 kroner.
Budsjettet vert først handsama i Velferdstinget, og dernest i konsernstyret til SiT. Men styreleiar i SiT, Åge Halvorsen, truga med å sende budsjettet attende til VT dersom organet ikkje vedtok ei auke i semesteravgifta.
