Nye redaktørar i studentmedia
Storsalen i Studentersamfundet valte onsdag kveld Sigbjørn Lund Olsen, Birgit Karlsen Segtnan og Ellen Synnøve Viseth til sjefsredaktørar i høvesvis Student-TV, Studentradion og Under Dusken.
Birgit Karlsen Segtnan 23 år og studerer kunsthistorie. Hennar ambisjon er at Studentradion skal bli den mest naturlege staden for studentar å oppdatere seg på nyhende, kultur og musikk.
– Studentradion er ein dyktig gjeng, og eg skal gjere så godt eg kan for at fleire skal høyre på, sa ho i tala si til Storsalen.
21 år gamle Ellen Synnøve Viseth studerer europakunnskap ved Dragvoll. Ho ønskjer i stor grad å vidareføre Under Duskens noverande profil.
– Eg ønskjer at Under Dusken framleis skal vere Noregs beste studentavis, og at trondheimsstudentane skal vere glade i avisa si, seier ho.
Både Lund Olsen, Sætnan og Viseth er positive til eit nært samarbeid mellom dei tre studentmediene.
Alle tre vart valt utan motkandidatar i det såkalla valet i Storsalen.
