Målbevisste bandyspelarar

NTNUI tok sin tredje strake siger då dei laurdag ettermiddag møtte Bakklandet i tredje seriekamp for sesongen i Rosenborghallen.

Etter ein jamn første periode (2-1 til NTNUI) og ein mållaus andre periode, blei det endelig fart i sakene då jentene starta på kampens siste 20 minutt. Omtrent seks minutt ut i den tredje perioden scorar Bakklandet og stillinga står plutselig 2-2. NTNUI-spelar Line Karlgård svarar med å auke til 3-2, og etter dette kjem NTNUI sine scoringar på løpande band. Bakklandet klarer å redusere til 7-3 i sluttminutta, men det hjelp lite når NTNUI sin kaptein May Linn Sprenglewski sett inn 8-3 og kampen avsluttes.

God start

Lagleiarar David Karlsen og Eskild Lundgård for damelaget til NTNUI er fornøgd med dagens innsats.

– Det stanga litt imot i dei to første periodane, då Bakklandet låg djupt i bana og gjorde det vanskelig for oss å score ved å blokkere skot. I tredje periode klarte vi å trykke dei endå lengre ned, slik at vi fekk betre skotmoglegheiter. Det at vi hadde fleire spelarar å ta av, førte nok til at dei blei slitne dei siste 20 minutta, seier Karlsen.

Både Karlsen og Lundgård er einige i at tredje periode var den desidert beste, men påpeikar likevel at ein kan gjere forbetringar med spelet.

Foto: Ingrid HaugenFORNØGD: Lagleiarar David Karlsen og Eskild Lundgård var tilfredse med damelaget si innsats på laurdag.– Dei to første måla vi slapp inn kom på frislag. Vi har sluppe inn ein del unødvendige mål på dette, men det er noko som bør gå raskt å rette opp i, seier dei.

NTNUI sitt lag er i alle fall fornøgd med sesongen så langt, då dei har vunne tre kampar av tre moglege.

– Sigeren mot Nyborg (3-2) var veldig bra for laget, i og med at det var Nyborg me kjempa mot om tredjeplassen førre sesong, seier Lundgård.

Til Bergen Challenge

Førstkommande onsdag, 10.oktober, blir Studentleikane Bergen Challenge 2012 sparka i gang. NTNUI sitt damelag i innebandy har vunne turneringa dei to siste åra, og er klar for å gi jernet i år også.

– Vi håpar sjølvsagt på å forsvare fjorårets førsteplass, slik at vi kan behalde pokalen vi fekk i fjor, seier Lundgård.

Lagleiarane er og svært optimistiske ovanfor sesongen vidare. Laget tok i fjor ein tredjeplass i 1.divisjonsserien, men håpar på å gjere det endå betre i år.

– Vi trur laget kan klare å kjempe om førsteplassen i årets serie. Tidligare har vi klart å hevde oss mot dei beste laga og på ein god dag tar vi dei, seier Karlsen og Lundgård.

Ønskjer rekruttering

Årets lag har hatt nokre utskiftingar etter fjorårets sesong, men har stort sett behaldt grunnkjernen i laget. Dei har også fått inn eit par nye spelarar som Karlsen og Lundgård meiner har løfta nivået på laget ytligare. Men dei etterlyser fleir spelarar for å fylle opp alle tre laga.

– Om det er nokon studentar der ute som ønskjer å vere med å spele, er terskelen veldig lav for å vere med på treningar. Vi ønskjer alle interesserte velkommen, seier Karlsen og Lundgård.